ნათია ნაცვლიშვილი

სწავლა-სწავლება ციფრულ ეპოქაში

ზრდასრულთა განათლება ,

წიგნიერება ციფრულ ერაში ,

საშუალო საფეხურის მასწავლებლები ,

ლექცია

სხვა ,

წიგნიერების თანამედროვე გადააზრება ციფრულ ეპოქაში

როგორ უნდა განუვითარდეს მოსწავლეს ელექტრონული წიგნიერების კომპეტენცია, როგორ უნდა მოამზადოს  სკოლამ და მასწავლებელმა მოსწავლე იმისათვის, რომ მან მაქსიმალურად ეფექტურად შეძლოს ელექტრონული სივრციდან  საჭირო და აუცილებელი ინფორმაციის მიღება, რა როლი ეკისრება სკოლას მოსწავლის, როგორც ელექტრონული სივრცის მოქალაქედ ჩამოყალიბებაში, რათა მან შეძლოს თანასწორი და კონკურენტუნარიანი თანაარსებობა მსოფლიო ელექტრონულ სივრცეში - ეს გახლავთ თანამედროვე საგანმანათლებლო სივრცეში ძალიან ხშირად დასმული პრობლემები, რომელთა გადაჭრაზე ზრუნვაც ჩვენი საკლასო ოთახებიდან იწყება.

ელექტრონული წიგნიერება, ციფრული ეპოქა,

არა

ყველა

ერთი საათი

არა

კი

ხშირად გავიგონებთ, რომ 21-ე საუკუნეში წიგნიერება თანამედროვე ადამიანისთვის მისი წარმატების განმსაზღვრელ ერთ-ერთ ყველაზე აუცილებელ კომპეტენციად იქცა; რომ წიგნიერების კომპეტენციის განვითარება ზოგადსაგანმანათლებლო დაწესებულებების ყველა საგნისა და საფეხურის მასწავლებლისთვის თანაბრად მნიშვნელოვანი გამოწვევაა. ამ ფონზე არსებითად მნიშვნელოვანია წიგნიერების, არა მარტო როგორც ცნების, არამედ როგორც კომპეტენციის თანამედროვე გადააზრება - რა არის წიგნიერება და რა დამატებითი მნიშვნელობა შესძინა მას 21-ე საუკუნემ, რომ წიგნიერება დღეს აღარ გულისხმობს მხოლოდ ნაბეჭდ ტექსტთან ურთიერთობის კომპეტენციას, მეტიც - ელექტრონულ ტექსტებთან ურთიერთობა კიდევ უფრო არსებითად მნიშვნელოვანი და აქტუალური გახდა, ვინაიდან თანამედროვე ადამიანი ინტერნეტმა მსოფლიო მოქალაქედ აქცია, რომლისთვისაც ელექტრონულ სივრცეში არსებობა ისეთივე განუყოფელი ნაწილია ყოველდღიურობისა, როგორც კვება, საყიდლებზე სიარული ან ურთიერთობები.

მოცემული სესია გთავაზობთ, თვალი გავუსწოროთ ზემოთ ჩამოთვლილ პრობლემებს, მოვძებნოთ მათი გადაჭრის გზები ჩვენს საკლასო ოთახებში, ვიმსჯელოთ ელექტრონულ და ტრადიციულ ტექსტებს შორის განსხვავებებზე და განვსაზღვროთ, თუ როგორ აღვჭურვოთ ჩვენი მოსწავლეები ელექტრონული წიგნიერების აუცილებელი, თანამედროვე და სასიცოცხლო კომპეტენციით.

-